Shkon në 32 numri i personave të vdekur dhe 16 i të zhdukurve, si pasojë e tajfunit Lekima që përfshiu provincën e Kinës lindore, në Zehjiang.
Pjesa më e madhe e të vdekurve u regjistrua në zonën e Yongjia, ku shirat e rrëmbyeshëm dhe stuhitë shkaktuan edhe rrëshqitje dheu. Kjo bëri që mbi një milion persona të evakuohen.
Sipas autoriteteve lokale, tajfuni, i nënti që nga nisja e vitit, dëmtoi mbi 173 mijë hektarë të mbjella dhe 34 mijë banesa në provincën e Zhejiang.
Sa i takon dëmeve ekonomike, përllogariten rreth 2.1 miliardë dollarë.
Tajfuni që goditi Kinën lindore fundjavën që lamë pas, po spostohet drejt veriut dhe brigjeve të provincës së Shandong, por duke e humbur fuqinë.
