Tre të vrarë nga sulmet vetëvrasëse në Rripin e Gazës - Bota Sot
Tre të vrarë nga sulmet vetëvrasëse në Rripin e Gazës

Azia

Tre të vrarë nga sulmet vetëvrasëse në Rripin e Gazës

Më: 28 gusht 2019 Në ora: 09:27
Ilustrim

Sulmues vetëvrasës që mendohet të kenë pasur lidhje me grupin militant ekstremist, Shteti Islamik (IS), kanë sulmuar dy postblloqe në Rripin e Gazës, duke lënë të vrarë tre oficerë palestinezë.

Sulmet pasojnë një operacion të fundit nga Hamasi, i cili kontrollon Gazën, kundër militantëve të lidhur me IS-in.

Pas sulmeve, u shpall gjendje e jashtëzakonshme dhe forcat e sigurisë po qëndrojnë në gatishmëri.

Dy oficerë policie u vranë dhe një tjetër u plagos kur shpërtheu bomba e parë, e cila u hodh nga një motor afër një pikë kontrolli të policisë.

Shpërthimi i dytë, më pak se një orë më vonë, vrau një oficer tjetër dhe plagosi disa njerëz, në një pikë kontrolli të veçantë, tha ministria e brendshme e Hamasit.

Pas sulmeve, forcat e sigurisë vendosën qindra pjesëtarë në rrugët kryesore në Rripin e Gazës.

Grupi Hamas është përballur me kundërshtim të brendshëm nga militantë islamikë të vijës më të ashpër - përfshirë ata të lidhur me IS-in.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...