Talibanët nisin sulm masiv në veri të Afganistanit - Bota Sot
Talibanët nisin sulm masiv në veri të Afganistanit

Azia

Talibanët nisin sulm masiv në veri të Afganistanit

Më: 31 gusht 2019 Në ora: 09:42
Ilustrim

Qeveria e Afganistanit njoftoi të shtunën se talibanët e kanë nisur një sulm të ri në njërin nga qytetet më të mëdha të këtij shteti, në Kunduz. Grupi militant po i vazhdon sulmet ndaj forcave qeveritare, pavarësisht zhvillimit të negociatave me Shtetet e Bashkuara.

Militantët e rrezikshëm, të cilët kanë kërkuar që të gjitha forcat e huaja të largohen nga Afganistani, tashmë e kontrollojnë gjysmën e territorit të shtetit dhe janë në një pozicion më të fuqishëm që nga humbja e vitit 2001 ndaj forcave amerikane.

Rreth 20 mijë trupa amerikane dhe të shteteve anëtare të NATO-s ndodhen në Afganistan, pavarësisht përfundimit të rolit luftues të tyre në vitin 2014. Ata po vazhdojnë t’i trajnojnë dhe përkrahin forcat afgane në luftën kundër talibanëve.

Zëdhënësi i presidencës afgane, Sediq Seddiqi, tha se forcat e sigurisë janë kundërpërgjigjur ndaj sulmit të talibanëve në disa pjesë të qytetit. “Si gjithmonë, talibanët i kanë zënë pozicionet në zona civile”, tha ai.

Raportohet se talibanët e kanë marrë kontrollin e spitalit të qytetit. Një zyrtar tha se të dyja palët kanë pasur viktima në përleshjen e armatosur në këtë qytet, ndonëse nuk ka dhënë ndonjë shifër, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...