Godasin tajfunet, 900 mijë shtëpi pa energji, anulohen mbi 130 fluturime - Bota Sot
Godasin tajfunet, 900 mijë shtëpi pa energji, anulohen mbi 130 fluturime

Azia

Godasin tajfunet, 900 mijë shtëpi pa energji, anulohen mbi 130 fluturime

Më: 9 shtator 2019 Në ora: 16:25
Foto

Japonia dhe gadishulli korean janë goditur nga dy tajfune me fuqi shkatërruese të madhe, të cilat kanë lënë të paktën gjashtë të vdekur. Erërat e fuqishme po zhvendosen tani në oqean ose drejt Kinës por e kanë humbur forcën e tyre.

Japonia u godit të hënën nga një prej tajfuneve më të forta të regjistruara këto vitet e fundit.

Erërat e vrullshme që arritën shpejtësi rekord mbi 200 kilometra në orë, të shoqëruara me shtrëngata, vranë të paktën një person dhe kanë lënë mbi 30 të plagosur.

Gruaja në të pesëdhjetat u gjet e vdekur në një rrugë të kryeqytetit, pasi u përplas kundër një ndërtese nga fuqia e erës.

Tajfuni me emrin “Faksai” shpërtheu në lindje të Tokios në orët e para të ditës dhe deri tani ka detyruar anulimin e qindra fluturimeve dhe linjave hekurudhore, si edhe ka lënë 900 mijë shtëpi pa energji.

Cikloni tropikal po kthehet drejt Oqeanit Paqësor por sërish ekziston rreziku i përmbytjeve dhe rrëshqitjeve të tokës.

Vetëm pak orë më herët, një fenomen i ngjashëm natyror goditi gadishullin korean, duke i marrë jetën të paktën 5 personave.

Agjencia koreanoveriore e lajmeve raportoi se është përmbytur një sipërfaqe prej 46 mijë hektarë tokë bujqësore.

Udhëheqësi i vendit, Kim Xhong-un, mbajti të premten një mbledhje urgjente duke kritikuar zyrtarët e vendit se nuk ishin përgatitur sa duhet për të mbrojtur të mbjellat apo hidrocentralet kundër tajfunit. 

Image
Image
Image

 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...