Irani mohon akuzat për sulm në stacionet e naftës në Arabinë Saudite - Bota Sot
Irani mohon akuzat për sulm në stacionet e naftës në Arabinë Saudite

Azia

Irani mohon akuzat për sulm në stacionet e naftës në Arabinë Saudite

Më: 15 shtator 2019 Në ora: 14:51
Foto ilustrim

Irani i ka mohuar akuzat e Shteteve të Bashkuara se qëndron prapa sulmeve me dronë në stacionet e naftës të Arabisë Saudite, të cilat shkaktuan vështirësi në tregun botëror të karburanteve.

Republika Islamike gjithashtu paralajmëroi se bazat ushtarake amerikane dhe aeroplanmbajtëset e saj janë brenda rrezes së veprimit të raketave iraniane.

Përgjegjësinë për sulmin me dronë në Arabinë Saudite, i cili ndikoi në zvogëlimin  e mori grupi “Houthi”, por sekretari amerikan i shtetit, Mike Pompeo, e akuzoi Iranin për sulmin në territorin e prodhuesit më të madh botëror të naftës së papërpunuar.

Në kohën e rritjes së tensioneve në Lindjen e Mesme, sulmet me dronë në pjesën kryesore të industrisë së naftës në Arabinë Saudite pritet ta rrisin çmimin e naftës për 3 deri 5 dollarë për fuçi.

Zëdhënësi i Ministrisë së Punëve të Jashtme të Iranit, Abbas Mousavi, i mohoi akuzat e Shteteve të Bashkuara, duke i quajtur të kota.

“Të gjithë duhet ta dinë se të gjitha bazat dhe aeroplanmbajtëset amerikane në largësi deri në dy mijë kilometra rreth Iranit janë brenda rrezes së veprimit të raketave tona”, tha komandanti ushtarak, Amirali Hajizadeh, shkruan “Reuters”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...