Shtohen tensionet në Hong Kong para festës kombëtare kineze - Bota Sot
Shtohen tensionet në Hong Kong para festës kombëtare kineze

Azia

Shtohen tensionet në Hong Kong para festës kombëtare kineze

Më: 30 shtator 2019 Në ora: 09:08
Foto ilustrim

Autoritetet i kanë arrestuar së paku dy figura të rëndësishme të protestuesve në kohën kur Hong Kongu po përgatitet për ta shënuar 70-vjetorin e themelimit të Republikës Popullore të Kinës. Ky përvjetor shënohet të martën.

Policia e ka ndaluar mbajtjen e një proteste të madhe, të organizuar nga Fronti Civil për të Drejtat e Njeriut. Sidoqoftë, protestuesit janë zotuar se do të dalin në rrugë më 1 tetor për ta shfaqur zemërimin e tyre lidhur me shkeljen e të drejtave nga pushteti kinez.

Të hënën, aktivisti Ventus Lau dhe aktori Gregory Wong u arrestuan nën akuzat lidhur me një incident që kishte ndodhur më 1 korrik, kur protestuesit kishin hyrë me dhunë në ndërtesën e kuvendit dhe e kishin dëmtuar atë.

Në anën tjetër, kryetarja e qytetit, Carrie Lam, bashkë me një delegacion prej 240 personash, përfshirë politikanë kinezë, liderë biznesesh dhe shefa të medieve, u nisën drejt Pekinit për të marrë pjesë në ceremoninë festive të së martës.

Autoritetet kineze i kanë shtuar masat e sigurisë në prag të shënimit të festës kombëtare. Forca të shumta policore janë vendosur nëpër rrugët e Pekinit dhe rrethinës së tij. Në kryeqytetin kinez pritet të mbahet një paradë ushtarake të martën, shkruan “The Guardian”.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...