Sulm me thikë në Hong Kong, katër të plagosur - Bota Sot
Sulm me thikë në Hong Kong, katër të plagosur

Azia

Sulm me thikë në Hong Kong, katër të plagosur

Më: 3 nëntor 2019 Në ora: 13:50
Hong Kong

Së paku katër njerëz janë plagosur në një sulm me thikë që ndodhi në Hong Kong, raportuan mediet lokale.

Sulmi ndodhi në qendrën tregtare “CityPlaza” në distriktin Tai Koo. Raportohet se njerëzit e kanë penguar burrin e paidentifikuar që të plagosë më shumë njerëz.

Ky vend ka qenë arenë e protestave të dielën dhe në vendin e ngjarjes ishte edhe njësiti policor kundër trazirave.

Protestat kishin filluar për shkak të projektligjit për ekstradim në Kinë. Qeveria e Hong Kongut e ka larguar këtë projektligj, por protestuesit kanë shtruar kërkesa të reja, përfshirë dorëheqjen e kryetares së qytetit, Carrie Lam.

Besohet se motivi i sulmit ishte dallimi i bindjeve politike. Merret vesh se sulmuesi, pasi i plagosi katër njerëz, u rrah nga turma e njerëzve.

Në mesin e personave të plagosur është edhe një anëtar i këshillit lokal, të cilit i është prerë veshi, shkruan “BBC”.

Sot mund të lexoni Shfletoni kopertinat