Udhëheqësi i Hezbollahut, Hassan Nasrallah e etiketoi Amerikën si ‘Satani i Madh’ në një fjalim të dielën, dhe ai u zotua për hakmarrje për vdekjen e Qassem Soleimani.
Sekretari i Përgjithshëm Libanez e quajti presidentin “gënjeshtarin më të madh në historinë e Amerikës” një javë pasi tha të gjitha bazat amerikane, të gjitha anijet luftarake dhe çdo ushtar i vetëm në rajon është tani një objektiv i joni.
Nasrallah tha të dielën: “Amerika, Satanai i Madh, është përgjegjës për Izraelin dhe të gjitha krimet e tij kundër popullit palestinez”.
“Amerika ndërtoi ISIS-in për të shkatërruar vendet tona, kulturat, historinë dhe të ardhmen tonë. Çdo bombë e ISIS-it kundër një xhamie apo kishe, ajo duhet të quhet “Made in USA”. Kurrë nuk duhet ta harrojmë këtë, se Amerika është armiku ynë i vërtetë”, u shpreh ai.
Nasrallah shtoi: “Udhëheqja amerikane tha disa ditë pas vdekjes së Soleimani se bota ishte një vend më i sigurt tani, por ata do të shohin se e kanë gabim”.
Hezbollah është e vetmja palë që nuk është çarmatosur pas luftës civile të Libanit 1975-1990.
Shtetet e Bashkuara e kanë caktuar atë një grup ‘terrorist’ dhe shumë figura të tij janë nën sanksione.
