Ekonomia e Japonisë tkurret me ritmin më të shpejtë që nga viti 2014

Azia

Ekonomia e Japonisë tkurret me ritmin më të shpejtë që nga viti 2014

Më: 17 shkurt 2020 Në ora: 13:26
Tokio, Japoni (fotografi ilustruese)

Ekonomia e Japonisë, në fund të vitit 2019, është tkurrur me ritmin më të shpejtë në pesë vjet.

Sipas shifrave zyrtare, bruto prodhimi i brendshëm vjetor ka rënë për 6.3 për qind në periudhën tetor-dhjetor.

Tkurrja e tillë është e para në më shumë se një vit dhe më e madhja që nga viti 2014, kur rënia ka qenë 7.4%.

Faktorët kryesorë për këtë vlerësohet të jenë: rritja e taksave të shitjeve, kërkesa më e dobët globale dhe pasojat e një tajfuni.

Ka shqetësime se shpërthimi i një koronavirusi në Kinë mund ta ndikojë ekonominë në Japoni edhe këtë tremujor.

Kjo ka rritur frikën se Japonia, ekonomia e tretë më e madhe në botë, mund të bie në recesion.

Në përgjigje të të dhënave të sotme, ministri i Ekonomisë i Japonisë, Yasutoshi Nishimura, tha se Qeveria japoneze është e gatshme të ndërmarrë të gjithë hapat e nevojshëm për të trajtuar ndikimin e shpërthimit të koronavirusit në ekonomi dhe turizëm.

Sot mund të lexoni Shfletoni kopertinat