Dy mjekë vdesin nga coronavirusi brenda 24 orëve në provincën Hubei të Kinës

Azia

Dy mjekë vdesin nga coronavirusi brenda 24 orëve në provincën Hubei të Kinës

Më: 24 shkurt 2020 Në ora: 00:00
Dy mjekë vdesin nga coronavirusi

Një burrë 42-vjeçar që punoi në një spital afër Wuhan është bërë mjeku i dytë që vdiq nga coronavirusi brenda 24 orësh në provincën Hubei të Kinës, konfirmuan zyrtarët e shëndetit. 

Huang Wenjun, i cili u specializua në mjekësinë e frymëmarrjes, pësoi pneumoni në detyrë në Spitalin Qendror Xiaogan, në Hubei, Kinë dhe vdiq rreth orës 7.30 të mëngjesit.

Shumë përdorues të mediave sociale i kanë kujtuar doktorin si një hero.

Ky lajm vjen vetëm 24 orë pasi Dr Xia Sisi vdiq nga coronavirusi pasi u infektua nga pacientët në Spitalin Union Jiangbei të Wuhan në provincën Hubei qendrore të Kinës.

Mjekja, 29-vjeçare, u shtrua në spital në 19 janar dhe më vonë u transferua në Spitalin Zhongnan të Universitetit Wuhan kur gjendja e saj u përkeqësua më 7 shkurt.

Nga 648 infeksione të reja në Kinë, vetëm 18 ishin jashtë provincës Hubei, numri më i ulët jashtë epiqendrës që kur autoritetet filluan të botojnë të dhëna një muaj më parë dhe bllokuan pjesë të mëdha të vendit.

Epidemia globale mendohet se ka vrarë rreth 2.466 dhe ka infektuar 78.888.

commentFirst article
Sot mund të lexoni Shfletoni kopertinat