Në moshën 98-vjeçare, pacientja më e moshuar e prekur nga koronavirusi u nxor nga spitali bashkë me të bijën, e shëruar.
Ajo ishte e shtruar në Leishenshan Hospital, struktura e dytë spitalore më e madhe e përkohshme e ndërtuar në kohë rekord, në provincën kineze të Hubei.
E moshuara e cila jeton dhe kurohej në epiqendrën e epidemisë, u nxor nga spitali, pasi u shërua nga Covid-19.
Lajmi u raportua nga mediat vendase dhe ndërkombëtare, për të dhënë shpresë se virusi i cili godet kryesisht moshat e mëdha, nuk është e thënë të mos luftohet.
