23 anëtarë të parlamentit prej 290 anëtarësh të Iranit janë infektuar me koronavirus, ka bërë të ditur nënkryetari i parlamentit iranian, Abdul Reza Misri.
Kjo i bie që rreth 8 për qind e të gjithë anëtarëve të parlamentit janë të prekur nga ky virus.
Misri e bëri njoftimin derisa foli para gazetarëve sot në Teheran, duke përmendur një letër të hapur drejtuar Liderit Suprem të Iranit, Ali Khamenei nga kryetari i Parlamentit të Iranit Ali Larijani, raporton CNN.
Në letër, deputetëve iu kërkohet që të ndalin kontaktin me publikun për të shmangur përhapjen e mëtejshme të sëmundjes.