Kryeministri izraelit Benjamin Netanyahu do të izolohet në karantinë duke nisur nga kjo e hënë.
Ky vendim vjen pasi këshilltari i tij doli pozitiv me koronavirus.
Netanyahu është lideri i dytë i qeverisë i cili mbyllet në karantinë, pasi i pari u mbyll Kryeministri britanik Boris Johnson, i cili u konfirmua pozitiv ndaj Covid-19.
Në Izrael numri i të prekurve nga koronavirusi ka arritur në 4347, ndërsa i viktimave në 16.
Ndërkohë 10 pacientë ndodhen në gjendje të rëndë, teksa 15 janë konfirmuar si të shëruar.
Izraeli ishte një ndër shtetet e para i cili mori masa të ashpra kundër koronavirusit dghe të enjten e kaluar Netanyahu urdhëroi një politikë kombëtare të mbylljes në shtëpi.