Ide brilante, banorët e fshatit në Indi të ecin me çadra hapur për të mbajtur distancën sociale - Bota Sot
Ide brilante, banorët e fshatit në Indi të ecin me çadra hapur për të mbajtur distancën sociale

Azia

Ide brilante, banorët e fshatit në Indi të ecin me çadra hapur për të mbajtur distancën sociale

Më: 27 prill 2020 Në ora: 17:37
Foto ilustrim

Një fshat në Indi ka gjetur një mënyrë shumë origjinale për qytetarët që të respektojnë rregullat e distancimit social në këtë kohë pandemie.

Fshati në qytetin jugor të Kerala po shpërndan 10 mijë çadra të cilat do të ndihmojnë banorët që të mbajnë distancën mes njëri-tjetrit.

Ideja është që ata të qarkullojnë me çadrat e hapura, e cila do tu sigurojë atyre një hapësirë prej 1 metër nga njëri-tjetri.

Gjithashtu, për çdo banorë do të shpërndahen edhe nga dy maska.

India ka marrë masa të shumta për parandalimin e përhapjes së koronavirusit. Në rajonin e Keralas janë vendosur dhe kioska ku qytetarëve u merret një provëz e mukozës së gojës e më pas dërgohet për testim.

Ndërsa në disa spitale po në këtë rajon, përdoren disa robotë që u dërgojnë pacientëve medikamentet dhe ushqimin për të evituar sa më shumë kontaktin me njerëzit.

India deri më tani numëron 872 viktima si pasojë e COVID-19, dhe rreth 27,892 të infektuar.

Shfaq komentet
comments powered by Disqus
Sot mund të lexoni Shfletoni kopertinat