Brenda një periudhe kohore prej dy muajsh, talibanët thuhet të kenë kryer mbi 1,000 sulme ndaj civilëve të pafajshëm afganë.
Zëdhënësi i Ministrisë së Brendshme të Afganistanit, Tariq Aryan ka thënë se gjatë 70 ditëve të fundit, talibanët i kanë vrarë afro 400 civilë, ndërsa i kanë plagosur 390 të tjerë, ndërsa i rrëmbyen 200 civilë.
“Si kundërpërgjigje ndaj këtyre sulmeve, forcat afgane u munduar të mbronin zonën, andaj i vranë rreth 1,400 talebanë”, ka thënë Aryan gjatë një konference në Kabul.
Lajmet vijnë vetëm një ditë, pasi i dërguari i lartë i Shteteve të Bashkuara, iu ka kërkuar palëve ndërluftuese të ulin përsëri dhunën dhe përfundimisht të arrijnë një armëpushim.
Në fillim të kësaj jave, misioni i Kombeve të Bashkuara në Afganistan i fajësoi talibanët dhe grupet e tjera kryengritëse për 52 për qind të 533 civilëve të vrarë në tremujorin e parë të vitit 2020, duke përfshirë mbi 150 fëmijë.
Talibanët kundërshtuan raportin, duke fajësuar sulmet ajrore dhe tokësore nga forcat qeveritare për pjesën më të madhe të viktimave civile.
