Goditja nga rrufeja i merr jetën 116 njerëzve në Indi - Bota Sot
Goditja nga rrufeja i merr jetën 116 njerëzve në Indi

Azia

Goditja nga rrufeja i merr jetën 116 njerëzve në Indi

Më: 27 qershor 2020 Në ora: 06:26
Ilustrim

Të paktën 116 persona e kanë humbur jetën si pasojë e goditjes së rrufesë gjatë reshjeve të stuhishme në pjesë të ndryshme të Indisë.

Siç shkruan gazeta “India Today”, situata më e rëndë është në rajonin Gopalhanj në provincën Bihar në të cilën si pasojë e goditjes së rufesë jetën e kanë humbur 92 persona ndërsa 20 të tjerë janë lënduar.

Autoritetet lokale të shtetit federal Uttar Pradesh njoftuan se si pasojë e goditjes së rrufesë kanë humbur jetën 24 persona ndërsa 12 të tjerë u lënduan. Shumë ndërtesa në këtë rajon u dëmtuan gjatë reshjeve të dendura të shiut dhe përmbytjeve.

Kryeministri i Indisë, Narendra Modi shprehu ngushëllime për familjet e të vdekurve.

Në korrik të vitit të kaluar provinca Bihar u godit nga bubullima të ngjashme gjatë të cilës jetën e humbën së paku 39 persona.

Pjesa jugore e Azisë në muajt e verës përfshihet nga shirat monsun që shpesh herë shkaktojnë përmbytje, rrëshqitje të dheut, bubullima dhe katastrofa tjera natyrore.

Shfaq komentet
comments powered by Disqus
Sot mund të lexoni Shfletoni kopertinat