India regjistron rreth 53,000 raste të reja të koronavirusit për një ditë - Bota Sot
India regjistron rreth 53,000 raste të reja të koronavirusit për një ditë

Azia

India regjistron rreth 53,000 raste të reja të koronavirusit për një ditë

Më: 3 gusht 2020 Në ora: 09:52
Indi

Gjatë 24 orëve të kaluara, në Indi janë regjistruar 52,972 raste të reja të personave të infektuar me koronavirus, bëri të ditur Ministria e Shëndetësisë dhe Mirëqenies Familjare.

Kështu, numri i përgjithshëm i të infektuarve në shtetin me 1.3 miliard banorë shkoi në 1,803,695 persona, shkruan “CNN”.

Java e kaluar ishte më vdekjeprurësja për këtë shtet që nga fillimi i pandemisë. Mbi 5,300 persona vdiqën dhe u shënuan 315,000 raste të reja gjatë kësaj periudhe.

Deri më tani janë shënuar 38,135 viktima, ndërsa mbi 1.1 milion persona të infektuar janë shëruar. Shkalla e shërimit në Indi është rreth 65 për qind.

Ministria e Shëndetësisë dhe Mirëqenies Familjare ka publikuar udhëzime të reja për udhëtarët, të cilat do të hyjnë në fuqi nga 8 gushti. Në mesin e udhëzimeve të reja është edhe zotimi që duhet ta japin njerëzit për izolim dyjavor, kur të futen në Indi.

Sot mund të lexoni Shfletoni kopertinat