Publikoi bilancin e vërtetë të koronavirusit, Irani mbyll gazetën

Azia

Publikoi bilancin e vërtetë të koronavirusit, Irani mbyll gazetën

Më: 13 gusht 2020 Në ora: 00:35
Ilustrim

Autoritetet në Iran kanë vendosur të mbyllin një gazetë vendase, e cila sipas Daily Mail, ka publikuar një intervistë ku tregohet bilanci i vërtetë i personave të vdekur dhe të infektuarve me koronavirus.

Gazeta “Jahan-e Sanat”, e fokusuar te problemet ekonomike raportohet të ketë publikuar një intervistë një një ish anëtari të Task Forcës kombëtare kundër koronavirusit, i cili shprehet se bilanci i viktimave dhe të infektuarve është 20 herë më i lartë nga shifrat që publikojnë autoritetet.

Epidemiologu Mohammadreza Mahboubfar deklaron se shifrat zyrtare janë vetëm 5% e të dhënave të vërteta të cilat flasin për 37 mijë viktima dhe 6.5 milionë të infektuarve.

Zëdhënësja e Ministrisë së Shëndetësisë reagoi menjëherë duke thënë se Mohammadreza Mahboubfar nuk ka qenë asnjëherë pjesë e Task Forces anti-Covid.

Mahboubfar tha mes të tjerash për gazetën se rasti i parë me koronavirus në Iran është regjistruar në Janar, ndërkohë që autoritetet e deklaruan zyrtarisht vetëm më 19 shkurt.

commentFirst article
Sot mund të lexoni Shfletoni kopertinat