Kina ka publikuar bilancin e 24 orëve të fundit me COVID-19.
Kina raportoi 15 raste të reja me COVID-19 në kontinent, krahasuar me 14 raste një ditë më parë, njoftoi autoriteti shëndetësor i vendit të mërkurën, raporton Reuters.
Të gjitha rastet e reja të raportuara ishin infeksione të importuara, tha Komisioni Kombëtar i Shëndetësisë në një deklaratë, duke shënuar ditën e 10-të radhazi të asnjë rasti të transmetuar në vend.
Numri i përgjithshëm i rasteve të konfirmuara tani është 84,996, ndërsa numri i të vdekurve mbeti i pandryshuar në 4634.
Komisioni raportoi gjithashtu 14 raste të reja asimptomatike, nga 16 raportuar një ditë më parë. Kina nuk i klasifikon këto infeksione pa simptoma si raste të konfirmuara.
