India ka regjistruar një rekord të ri të rasteve të reja me koronavirus.
Në 24 orët e fundit në Indi janë regjistruar 83.883 raste të reja, duke çuar shifrën totale në 3.85 milionë, është 100 mijë prapa Brazilit, që është vendi i dytë për nga numri i të infektuarve me koronavirus, ka njoftuar Ministria e Shëndetësisë së Indisë, raporton agjencia Reuters.
India ka regjistruar shifra të mëdha të rasteve të reja çdo ditë për gati një muaj. Ndonëse numri i të vdekurve po mbetet relativisht i vogël krahasuar me rastet. Ministria e Shëndetësisë ka njoftuar se 1043 persona kanë vdekur në 24 orët e fundit, ndërsa shifra totale ka shkuar në 67.376.
Në Çeki po ashtu është konfirmuar rekord i rasteve të reja me koronavirus. Çekia ka regjistruar 650 raste të reja, që është shifra më e lartë e të infektuarve në këtë vend brenda 24 orëve.
