Kina ka publikuar bilancin e 24 orëve të fundit me COVID-19.
Kina raportoi 20 raste të reja të konfirmuara dhe 161 të reja asimptomatike më 25 tetor, tha autoriteti kombëtar shëndetësor të hënën, pas një rritje të infeksioneve pa simptoma në rajonin veriperëndimor të Xinjiang, raporton Reuters.
Komisioni Kombëtar i Shëndetësisë tha në një deklaratë se të gjitha rastet e reja të konfirmuara ishin infeksione të importuara me origjinë nga jashtë. Nga 161 infeksione të reja pa simptoma, të cilat Kina nuk i klasifikon si raste të konfirmuara, 137 ishin transmetuar lokalisht.
Një total prej 85,810 rastesh të konfirmuara COVID-19 janë raportuar deri më tani në territorin e Kinës, ndërsa numri i të vdekurve mbetet i pandryshuar në 4,634.
