Irani rifillon pasurimin e uraniumit në 20%

Azia

Irani rifillon pasurimin e uraniumit në 20%

Më: 4 janar 2021 Në ora: 14:18
Foto ilustrim

Irani rifilloi pasurimin e uraniumit në 20 për qind, gjë që paraqet shkeljen më të madhe të marrëveshjes bërthamore të vitit 2015 me fuqitë botërore.

Zëdhënësi i Qeverisë iraniane, Ali Rabiei, tha për mediat lokale se procesi ka nisur në uzinën nëntokësore Fordow.

Uraniumi i pasuruar mund të përdoret për të bërë karburant për reaktorë, por edhe për bomba bërthamore. Uraniumi i shkallës së armëve është i pastër 90%.

Irani ka pezulluar disa pika të marrëveshjes bërthamore, prejse SHBA-ja është tërhequr prej saj në vitin 2018 dhe ka rikthyer sanksionet kundër Republikës Islamike.

Agjencia Ndërkombëtare për Energji Bërthamore nuk e ka konfirmuar ende njoftimin e fundit të Iranit. Por, ajo ka thënë të premten se është informuar nga Irani se planifikon të rinisë pasurimin e uraniumit në 20 për qind.

Teherani gjithmonë ka mohuar synimet për të krijuar armë bërthamore, duke thënë se programi i tij bërthamor ka rreptësisht qëllime civile.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat