Partia e kryeministrit indian Narendra Modi nuk ka arritur ta fitojë një shtet kyç në zgjedhjet që janë mbajtur në kohën kur është shënuar rekord i rasteve dhe vdekjeve nga COVID-19.
Kjo parti e shënjestroi Bengalin Perëndimor gjatë fushatës, por në këtë shtet pushtetin e mbajti Mamata Banerjee që është një kritik i ashpër i Modit.
Modi është akuzuar se gjatë kohës së fushatës i ka kushtuar më shumë vëmdendje sondazheve sesa pandemisë.
Zgjedhjet janë mbajtur edhe në Assam, Tamil Nadu dhe Kerala, ashtu si edhe në territorin e Puducherry.
Partia e ka mbajtur pushtetin në shtetin veri-lindor të Assam, por ka dështuar të fitojë në shtete tjera të rëndësishme.
Për 10 ditë me radhë rastet e reja me COVID-19 në Indi e kanë tejkaluar shifrën prej 300,000.
