Aeroplani ngec nën një mbikalim në mes të autostradës në Indi

Azia

Aeroplani ngec nën një mbikalim në mes të autostradës në Indi

Më: 5 tetor 2021 Në ora: 21:28
Foto

Videoja ku shihet aeroplani i aviokompanisë Air India që ka ngecur nën një mbikalim në një autostradë në New Delhi, me shpejtësi të madhe është shpërndarë nëpër rrjete sociale.

Një gazetar i agjencisë indiane të lajmeve ANI News, ka shpërndarë pamjet në Twitter, ku shihet fluturakja gjigante që ka ngecur në mes të rrugës nën një mbikalim.

Megjithatë kjo nuk ka ndodhur si pasojë e “fluturimit nën mbikalim” siç kanë menduar shumica. Në ato momente aeroplani nuk ka qenë në përdorim, ka shtuar gazetari indian Ashoke Rai.

Fluturakja kishte ngecur derisa po e transportonin nëpër një autostradë në Delhi-Gurugram, jo larg aeroportit ndërkombëtar Indira Gandi.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat