25 persona humbin jetën nga zjarri në një ndërtesë në Tajvan

Azia

25 persona humbin jetën nga zjarri në një ndërtesë në Tajvan

Më: 14 tetor 2021 Në ora: 09:28
Foto

Një zjarr që përfshiu një ndërtesë banimi në Tajvanin jugor ka lënë të vdekur 25 persona dhe disa të tjerë të lënduar.

Sipas AP News, ndërtesa 13-katëshe u përfshi nga flakët gjatë orëve të para të së enjtes, thanë zyrtarët e departamentit të zjarrfikësve në qytetin Kaohsiung.

Zyrtarët kanë deklaruar se 55 persona ishin dërguar në spital, përfshirë 14 persona që nuk treguan shenja jete. Në Tajvan, konfirmimi zyrtar i një vdekjeje mund të bëhet vetëm në spital.

Të paktën 11 persona të gjetur në vendngjarje u dërguan menjëherë në morg, thanë autoritetet.

Zjarrfikësit ene nuk e kanë konfirmuar burimin e këtij zjarri, megjithatë dëshmitarët thanë për mediet lokale se ata kishin dëgjuar zhurmën e një shpërthimi rreth orës 3 të mëngjesit. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat