Rizgjohet konflikti?! Katër anije kineze hyjnë në ujërat territoriale të Japonisë

Azia

Rizgjohet konflikti?! Katër anije kineze hyjnë në ujërat territoriale të Japonisë

Më: 21 tetor 2021 Në ora: 09:24
Foto

Katër anije kineze të mërkurën hynë në ujërat territoriale të Japonisë jashtë Ishujve Senkaku në Detin e Kinës Lindore.

Zyrtarët e Rojës bregdetare të Japonisë theksuan se anijet iu afruan ishujve Minamikojima dhe Uotsuri Jima dhe qëndruan në zonë për rreth dy orë, ndërsa zyrtarët japonezë paralajmëruan anijet të largoheshin.

Sipas transmetuesit publik japonez NHK, kjo shënon herën e 30-të në vitin 2021 që anijet zyrtare kineze kanë hyrë në ujërat territoriale të Japonisë jashtë Ishujve Senkaku, duke shtuar se hera e fundit ishte më 19 shtator.

Ishujt Senkaku kontrollohen nga Japonia, por edhe Kina i pretendon ato.

Qeveria japoneze pohon se ishujt janë pjesë e territorit të Japonisë për sa i përket historisë dhe ligjit ndërkombëtar.

Japonia tha se si e tillë, nuk ka asnjë çështje sovraniteti që duhet të zgjidhet mbi to.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat