​Iraku ka evakuuar afro 2000 emigrantë të “ngecur” mes Bjellorusisë e Polonisë

Azia

​Iraku ka evakuuar afro 2000 emigrantë të “ngecur” mes Bjellorusisë e Polonisë

Më: 28 nëntor 2021 Në ora: 22:23
Foto

Iraku ka evakuuar gjithsej 1876 refugjatë që presin në kufirin midis Bjellorusisë dhe Polonisë për të hyrë në Evropë, thuhet në një deklaratë të kompanisë ajrore “Iraqi Airways”.

Evakuimi do të vazhdojë deri më 29 nëntor. Të premten, Ministria irakiane e Transportit njoftoi se kishte evakuuar 608 refugjatë. Abbas Omran, drejtor i përgjithshëm i kompanisë irakiane të transportit në ministri, tha se evakuimi shkoi pa probleme.

“Dy fluturime çarter përfunduan me sukses evakuimin nga aeroporti i Minskut në aeroportet e Erbilit dhe Bagdadit, pasi morën miratimet zyrtare nga autoritetet irakiane dhe bjelloruse”, tha Omran.

Refugjatët u evakuuan nga Iraqi Airways. Iraku njoftoi gjithashtu evakuimin e 430 qytetarëve të tij më 18 nëntor. Që nga gushti, Lituania, Letonia dhe Polonia, vendet e Bashkimit Evropian në kufi me Bjellorusinë, kanë regjistruar një rritje dramatike të numrit të kalimeve të parregullta kufitare.

Deri më tani këtë vit, më shumë se 8,000 njerëz janë përpjekur të hyjnë në bllokun evropian përtej kufirit Bjellorusi-BE, duke u rritur ndjeshëm nga vetëm 150 vitin e kaluar.

Bashkimi Evropian pretendon se Bjellorusia arrin tek udhëtarët e mundshëm përmes kanaleve në dukje zyrtare, duke përfshirë misionet diplomatike dhe agjencitë e udhëtimit, dhe i fton duke u ofruar viza. Ata më pas supozohet se janë çuar në kufirin e BE-së.

Që nga java e kaluar, të paktën 2.000 njerëz, përfshirë gra dhe fëmijë, kanë qenë në kushte të vështira në zonën kufitare bjelloruse-polake.

commentFirst article
Sot mund të lexoni Shfletoni kopertinat