Regjistrohet rastet e para me variantin e ri të COVID-19 në Indi

Azia

Regjistrohet rastet e para me variantin e ri të COVID-19 në Indi

Më: 3 dhjetor 2021 Në ora: 07:27
Ilustrim

Dy burra në shtetin jugor indian të Karnataka kanë rezultuar pozitivë për variantin e koronavirusit – Omicron.

Njëri prej tyre, një shtetas 66 vjeçar nga Afrika e Jugut, kishte udhëtuar prej andej dhe tashmë është larguar nga India, thanë zyrtarët. I dyti, i cili është mjek 46 vjeçar në qytetin jugor indian të Bengaluru, nuk ka histori udhëtimi.

Këto janë rastet e para të variantit të ri Omicron që raportohen në Indi.

Organizata Botërore e Shëndetësisë (OBSH) ka paralajmëruar se Omicron paraqet një ‘rrezik të lartë infeksioni’.

Në një konferencë për shtyp të enjten, zyrtarët shëndetësorë thanë se dy pacientët me llojin e ri kishin shfaqur simptoma të lehta, shkruan BBC.

Të gjitha kontaktet e tyre kryesore dhe dytësore janë gjurmuar dhe janë duke u testuar.

Sipas një njoftimi zyrtar, deri më tani kanë rezultuar pozitive pesë kontakte të 46 vjeçarit. Pacientët janë izoluar dhe mostrat e tyre janë dërguar për testim.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat