44 viktima mes tyre fëmijë dhe dhjetëra të lënduar nga moti i keq në Pakistan

Azia

44 viktima mes tyre fëmijë dhe dhjetëra të lënduar nga moti i keq në Pakistan

Më: 9 janar 2022 Në ora: 10:19
Ilustrim

Të paktën  44 persona kanë humbur jetën deri më tani dhe 41 të tjerë janë lënduar si pasojë e motit të keq dhe të ftohtë në Pakistan.

Mediat e huaja bëjnë me dije se 22 viktima mes tyre 10 fëmijë kanë ngelur të bllokuar nëpër makina, ku si pasojë e të ftohtit kanë humbur jetën në qytetin Murree, në Punjab.

Gjithashtu në Punjab, 7 persona të tjerë vdiqën nga shembja e një çati, nën peshën e borës. Ndërkohë 12 persona të tjerë humbën jetën dhe 29 u plagosën në lagjen veriperëndimore të Khyber Pakhtunkhwa, në kufi me Afganistanin, nga moti i keq dhe me ngrica.

Departamenti Meteorologjik i Pakistanit pret një përmirësim për të paktën 72 orët e ardhshme.

Reshjet e borës nisën mbrëmjen e së martës dhe vijuan deri të premten në intervale të rregullta, duke tërhequr mijëra turistë. Reshje të tjera bore priten në 24 orët e ardhshme. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat