​Përmbytje në Izraelin qendror

Azia

​Përmbytje në Izraelin qendror

Më: 16 janar 2022 Në ora: 16:29
Përmbytje në Izrael

Izraeli është goditur nga reshje të dendura shiu dhe temperatura të ulëta që nga e premtja, dhe shërbimet e urgjencës kanë shpëtuar njerëzit e ngecur në makina pasi rrugët në shumë qytete janë përmbytur.

Në Bregun Perëndimor, policia dhe zjarrfikësit shpëtuan një burrë dhe një djalë 11-vjeçar, makina e të cilëve u dërgua në një përrua nga uji, shkruan Haaretz.

Në qytetin Lod, rreth 18,000 njerëz në një vendbanim mbetën të izoluar për shkak të përmbytjeve dhe autoritetet lokale paralajmëruan banorët se e vetmja mënyrë për të hyrë dhe dalë nga zona ishte me tren.

Banorët e atij vendbanimi thanë se institucionet shëndetësore nuk janë duke punuar dhe se qendra për testimin e virusit korona nuk është e hapur, raporton Times of Israel.

Stuhia solli edhe shtim të mbulesës së borës në malin Hermon në lartësitë e Golanit, ndaj që nga mëngjesi i sotëm janë matur 25 centimetra borë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat