Poliomeliti paralizon një fëmijë në Pakistan

Azia

Poliomeliti paralizon një fëmijë në Pakistan

Më: 23 prill 2022 Në ora: 15:20
Imunizimi kundër poliomelitit në Lahore, Pakistan.

Zyrtarët shëndetësorë në Pakistan kanë bërë të ditur infektimin e parë me poliomelit pas më shumë se një viti, duke nxitur kryeministrin e sapozgjedhur Shehbaz Sharif që të organizojë takim urgjent të task-forcës kombëtare për luftim të sëmundjes.

Autoritetet kanë thënë se djaloshi 15-vjeçar është paralizuar nga virusi në Vaziristan.

Ky është rasti i parë i tillë i infektimit në 15 muajt e fundit në Pakistan, sipas autoriteve përgjegjëse për programin e zhdukjes së poliomelitit.

Pakistani dhe Afganistani janë në mesin e pak vendeve në botë ku poliomeliti është ende epidemi.

Përpjekjet për zhdukje të virusit në këto dy shtete janë penguar nga dyshimet e banorëve për imunizim dhe sulmet militante ndaj ekipeve për zhdukjeve të sëmundjes, sidomos në zonat rurale.

Virusi polio kryesisht prek fëmijët nën 5 vjeç.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat