208 gazetarë janë vrarë në sulmet izraelite në Rripin e Gazës që nga tetori i vitit 2023.
Zyra e Qeverisë për Media në Gaza njoftoi se një tjetër gazetar palestinez, Husam Shabat, u vra në një sulm izraelit.
Në deklaratë thuhet se me vrasjen e një gazetari tjetër, numri i gazetarëve të vrarë në sulmet izraelite që nga 7 tetori 2023 është rritur në 208.
Ata u bënë thirrje të gjitha institucioneve gazetareske dhe televizive, veçanërisht Federatës Ndërkombëtare të Gazetarëve dhe Federatës Arabe të Gazetarëve, t’i "dënojnë këto krime sistematike të kryera kundër gazetarëve palestinezë në Rripin e Gazës".
“Ne i bëjmë thirrje Izraelit, ShBA-së dhe vendeve si Britania e Madhe, Gjermania dhe Franca, të cilat janë bashkëpunëtorë në krimin e gjenocidit, të marrin përgjegjësinë për këtë krim mizor”, shtuan ata.
Ushtria izraelite nisi një fushatë të befasishme ajrore në Gaza të martën, duke vrarë më shumë se 700 palestinezë dhe duke plagosur më shumë se 1.000 të tjerë, duke shkelur marrëveshjen e armëpushimit dhe shkëmbimit të të burgosurve që hyri në fuqi në janar.
Në nëntor, Gjykata Penale Ndërkombëtare lëshoi urdhërarreste për kryeministrin izraelit Benjamin Netanyahu dhe ish-ministrin e mbrojtjes Yoav Gallant për krime lufte dhe krime kundër njerëzimit në Gaza.
Izraeli po përballet gjithashtu me një padi gjenocidi në Gjykatën Ndërkombëtare të Drejtësisë për luftën e tij në enklavë.
