Irani ka liruar dy francezë që kaluan më shumë se tre vjet në burg, njoftoi sot presidenti francez, Emmanuel Macron, me shumë mundësi në këmbim të një studenti iranian i cili u lirua me kusht në tetor.
Cecile Kohler dhe partneri i saj Jacques Paris, të arrestuar në vitin 2022, “kanë lënë burgun e Evin dhe janë duke shkuar në ambasadën franceze në Teheran”, shkroi Macron në Xu.
Kohler dhe Paris janë ndër dhjetëra shtetas të huaj të arrestuar në Iran vitet e fundit, shpesh me akuza për spiunazh.
Franca pretendon se këto akuza janë të pabaza.
Lirimi i tyre shënon fundin e negociatave shumëvjeçare midis dy vendeve për lirimin e shtatë qytetarëve francezë nga burgu që nga viti 2022.
