Aeroporti I Dubait po I rikthehet normalitetit, pasi sulmet e Iranit shkaktuan një kaos me fluturimet.
Linja ajrore më e madhe në Gjirin Persik, Emirates, po rifillon fluturimet në shkallë të gjerë, pasi I kishte ndalur kur filloi konflikti te shtunen e 28 shkurtit.
Emirates po u jep përparësi rrugëve që lidhin Dubain me qytete të mëdha anembanë botës, si Londra, Nju Jorku, Parisi dhe Sidnei.
Veç Emirates, edhe FlyDubai, Etihad dhe Air Arabia po përditësojnë të gjitha oraret e tyre për të vazhduar me rezervimet e konfirmuara, duke u ofruar qartësi të nevojshme pasagjerëve të bllokuar.
Për shkak të mbylljeve të vazhdueshme të hapësirës ajrore rajonale, aeroportet Ndërkombëtare të Dubaitdhe Al Maktoum kanë rifilluar pjesërisht operacionet, megjithëse me shërbime të reduktuara.
Kjo situatë ka ndikuar në trafikun ajror në të gjithë rajonin, duke bllokuar mijëra udhëtarë. Ndërsa aktiviteti ka rifilluar, është thelbësore që pasagjerët të monitorojnë përditësimet e fluturimeve dhe të sigurohen që kanë një rezervim të konfirmuar para se të nisen për në aeroport.
Megjithatë, oraret e kufizuara të fluturimeve janë ende në fuqi, që do të thotë se vetëm pasagjerët me rezervime të konfirmuara lejohen të hyjnë në terminale. Aeroportet e Dubait kanë theksuar se udhëtarët nuk duhet të mbërrijnë në aeroport pa konfirmim të qartë nga linja e tyre ajrore.
Për turistët dhe udhëtarët e biznesit, rihapja e aeroporteve të Dubait është një zhvillim I madh, ne mes te nje situate pasigurie qe ka ndikuar jo vetem qytetaret e rajonit, por njerez nga e gjithe bota.
