Izraeli është gati të rihapë pikën kufitare Rafah midis Gazës dhe Egjiptit për lëvizjen e kufizuar të njerëzve, pasi u mbyll në fillim të luftës me Iranin.
Koordinatori për Aktivitetet Qeveritare në Territore , COGAT tha se kalimi kufitar do të hapet të mërkurën në të dyja drejtimet dhe se do të ketë kufizimet e nevojshme të sigurisë për kalimin e njerëzve.
Përpara luftës, Rafah ishte rihapur në fillim të shkurtit për të lejuar një numër të vogël pacientësh nga Gaza që kërkonin kujdes mjekësor urgjent të largoheshin, ndërkohë që lejonte të njëjtin numër të vogël të kthehej në enklavën e shkatërruar. Nuk është e qartë nëse i njëjti numër palestinezësh do të lejohet të kalojnë, apo nëse do të jetë edhe më i vogël.
Më 2 mars, COGAT njoftoi se kalimi kufitar Kerem Shalom do të rihapej për hyrjen e ndihmës humanitare në Gaza, por Rafah mbeti i mbyllur.
