Vriten nëntë njerëz të një familjeje në Afganistan

Azia

Vriten nëntë njerëz të një familjeje në Afganistan

Më: 3 prill 2017 Në ora: 07:55
Afganistan

Zyrtarët afganë thanë se nëntë njerëz, të një familjeje, janë vrarë, pasi një njësi ushtarake shpërtheu një sasi municioni, të gjetur në jug të provincës Helmand.

Omar Zwak, zëdhënës i guvernatorit të provincës, tha se ushtarët kanë bërë përpjekje të shkatërrojnë deponë në Lashkargah, kur ka ndodhur shpërthimi.

Zyrtarët konfirmuan se nëntë civilë, përfshirë dy fëmijë, tri gra dhe katër burra të së njëjtës familje, janë vrarë, pasi shpërthimi rrëzoi kulmin e shtëpisë së tyre.

Zyrtarët thanë se po hetojnë nëse shtëpia është shembur nga shpërthimi apo ndonjë arsye tjetër.

Talibanët kanë nën kontroll pjesën më të madhe të provincës Helmand.

Sot mund të lexoni Shfletoni kopertinat