Një gjykatë pakistaneze ka paditur ish-kryeministrin Nawaz Sharif, vajzën e tij dhe dhëndrin rreth pasurisë së padeklalruar jashtë vendit.
Një gjykatë për llogaridhënie në Islamabad paditi Sharifin, vajzën Merjem Sharif dhe bashkëshortin e saj, Muhammed Safdarin.
Sharif i cili aktualisht është në Londër ku gruaja e tij po merr trajtim mjekësor, është shpallur i pafajshëm, ndërsa vajza dhe dhëndri i tij ndoqën seancën dëgjimore po ashtu u shpallën të pafajshëm.
Familja Sharif i kanë quajtur procedurat kundër tyre një komplot nga shërbimet sekrete të Pakistanit.
Akuzat rrjedhin nga publikimet e Panama Papers në vitin 2016 që zbuluan se Sharif dhe familja e tij kishin kompani dhe i përdorën ato për të blerë banesa në Londër.
Sharif, 67 vjeç, dha dorëheqjen në korrik pasi Gjykata e Lartë e hoqi atë nga zyra dhe urdhëroi Byronë Kombëtare të Llogarisë për të hetuar pasurinë e familjes së tij dhe për të kryer një gjykim.