Parlamenti kombëtar dhe ai provincial i Pakistanit janë duke votuar sot në zgjedhjet e Senatit, të cilat shihen si test për partinë në pushtet të ish-kryeministrit Naëaz Sharif.
Ligjëvënësit e asambleve të katër provincave të shtetit, Punxhab, Sind, Kyber Paktunka dhe Baluçistan, së bashku me Asamblenë Kombëtare, do të zgjedhin 52 senatorë prej më shumë se 130 kandidatëve.
Komisioni Zgjedhor i Pakistanit ka prezantuar më 2 mars një “kod të sjellejes” në zgjedhje, duke përfshirë edhe ndalimin e telefonave derisa votojnë asambleistët.
Ky votim e gjen në konfuzitet partinë në pushtet, Lidhjen Myslimane të Pakistanit (PLM-N).
Në korrik të vitit 2017, Gjykata Supreme ka vendosur për largimin nga zyra të ish-kryeministrit Nawaz Sharif, pas akuzave për korrupsion.
Partia e tij më pas pati ndryshuar ligjet e shtetit për t’i lejuar atij rimarrjen e pozitës së liderit.
Komisioni zgjedhor i Pakistanit ka kundërshtuar nominimin e tij si udhëhëqës i partisë, mirëpo ka thënë se ligjëvënësit e partisë mund t’i kundërshtojnë zgjedhjet e së shtunës si kandidatë të pavarur.
Liderët e partisë janë prekur nga pretendimet për korrupsion, në të cilat përfshihet dhe vëllau i vogël i Sharifit, Shahbaz Sharif.
