Parlamenti iranian djeg flamurin amerikan pas vendimit për paktin bërthamor

Azia

Parlamenti iranian djeg flamurin amerikan pas vendimit për paktin bërthamor

Më: 9 maj 2018 Në ora: 12:37
Pamje të parlamentit iranian.

Irani ka reaguar me zemërim ndaj vendimit të presidentit amerikan, Donald Trump për të tërhequr SHBA-në nga marrëveshja bërthamore që Teherani ka nënshkruar me fuqitë botërore më 2015.

Ligjvënësit iranianë kanë djegur flamurin amerikan duke bërtitur në parlamentin iranian “Vdekje për Amerikën”.

Kryeparlamentari iranian, Ali Larijani ka thënë se përgjegjësia për ruajtjen e marrëveshjes ka rënë në Bashkimin Evropian dhe fuqitë tjera që janë ende pjesë e paktit.

“Vendimi i Trumpit për të braktisur marrëveshjen bërthamore ka qenë shfaqje diplomatike, Irani nuk ka obligim për të përmbushuar detyrimet e saj në situatën aktuale”, ka thënë Larijani para parlamentit në Iran.

“Është e qartë se Trump e kupton vetëm gjuhën e forcës”.

Lideri suprem iranian, Ayatollah Ali Khamenei ka thënë përmes faqes së tij zyrtare se Trump “ka gabuar”.

Më 8 maj, presidenti Trump ka njoftuar se do të rikthejë sanksionet ekonomike ndaj Iranit duke u larguar nga pakti të cilin e ka cilësuar “marrëveshje të njëashme e cila nuk është dashur të krijohej kurrë”.

Sipas marrëveshjes së vitit 2015, shtetet nënshkruese janë zotuar për tërheqje të sanksioneve ndaj Iranit në këmbim të frenimit të aktivitetit bërthamor të kësaj të fundit.

Franca ka thënë se marrëveshja bërthamore “nuk ka vdekur” pavarësisht tërheqjes së SHBA-së.

Sot mund të lexoni Shfletoni kopertinat