Policia indiane ka bërë të ditur se kanë nxjerrë 106 kapsula të kokainës nga barku i një gruaje, e cila dashur që t’i kontrabandonte ato.
25 vjeçarja e cila u arrestua në aeroportin nacional në Delhi, ka kaluar disa javë në spital për t’u mjekuar nga efekti i kokainës.
Zyrtarët nga departamenti i narkotikëve kanë thënë se ky është numri më i madh i kapsulave që ndonjëherë kanë nxjerr nga një person, raporton BBC.
Ata po ashtu kanë treguar se bëhet fjalë për kokainë të kualitetit të lartë nga Kolumbia, për dallim nga rastet e ngjashme ku përdoret drogë e dobët apo e lirë.
