Të paktën 98 të vdekur dhe 236 të plagosur është bilanci i fundit i tërmetit prej 6.9 shkallë të Rihterit që goditi ishullin turistik indonezian Lombokut dhe tronditi Balin fqinj, thanë zyrtarët sot.
Mijëra shtëpi janë shkatërruar dhe autoritetet thanë se ekipet e kërkim-shpëtimit nuk kanë arritur ende në disa zona të rrezikuara.
Më shumë se 10.000 njerëz, përfshirë një numër të madh turistësh, u evakuuan nga ishulli i Lombokut, derisa siç raportohet, rreth 1.000 turistë u evakuuan nga ishulli Gili.
Sekretari i Përgjithshëm i Kombeve të Bashkuara Antonio Guteress ofroi sot ndihmën e organizatës botërore në Indonezi.
“Ai shpreh keqardhje për viktimat dhe dëmet”, tha zëdhënësi i OKB-së Faran Hak.
