Përhapja e sëmundjes së koleras ka lënë të vdekur të paktën 10 persona në kryeqytetin e Zimbabves, Harare, ka bërë të ditur një zyrtar i shëndetësisë së këtij shteti.
Vdekja e tyre erdhi si pasojë e pirjes së ujit të ndotur.
Clemence Duri, drejtoresha shëndetësore e Harare, tha se më shumë se 300 vetë ishin shtruar në spital pas kontraktimit të sëmundjes që shkakton diarre dhe dehidrim të rëndë.
“Numri i të vdekurve është rritur në dhjetë. Kemi konstatuar se shpërthimi u shkaktua nga një tub kanalizimesh që ndotin ujin e puseve”, tha Duri, duke shtuar se tubi ishte zëvendësuar.
Komuna e qytetit, Harare, ka bërë çmos që të furnizojë me ujë disa vende në periferi për më shumë se një dekadë.
Zimbabve e përjetoi përhapjen më të madh të kolerës në vitin 2008 në kulmin e një krize ekonomike ku vdiqën më shumë se 4,000 njerëz dhe 40,000 tjerë u sëmurën.
