Koreja e Jugut dhe Veriut përfunduan përpjekjet e mbikqyrura nga Komanda e OKB-së për të hequr minat nga fshati kufitar i Panmunxhomit, njoftoi sot Ministria koreanojugore e Mbrojtjes.
Ministria deklaroi gjithashtu se “hapi i radhës i çarmatimit në Panmunxhom do të përfshijë tërheqjen e armëve dhe të rojeve kufitare nga fshati në tre ditët që vijojnë”.
Raundi i parë i takimit trepalësh mes dy Koreve dhe Komandës së OKB-së, në kuadër të ngrohjes së marrëdhënieve mes dy vendeve, u zhvillua në Panmunxhom javën e fundit. /ATSH
