Gjashtë gjyqtarë të huaj dhe 3 nga Kosova në Rahovec - Bota Sot
Gjashtë gjyqtarë të huaj dhe 3 nga Kosova në Rahovec

Basketboll

Gjashtë gjyqtarë të huaj dhe 3 nga Kosova në Rahovec

Më: 14 shkurt 2019 Në ora: 14:07
Gjashtë gjyqtarë të huaj dhe 3 nga Kosova në Rahovec

Në kuadër të Final 8 të Kupës së Kosovës që do të mbahet në Rahovec prej 27 shkurt deri më 3 mars janë paraparë edhe dy aktivitete për gjyqtarë të basketbollit që organizohen nga Federata e Basketbollit të Kosovës në bashkëpunim me FIBA-n.

Bëhet fjalë për FIBA SCOD Kampin për gjyqtarët e rinj dhe për FIBA Kampin për Gjyqtarët Potencial për Thirrje të FIBA-s.

Krahas tre gjyqtarëve nga Kosova në FIBA Kampin për Gjyqtarët Potencial për Thirrje të FIBA-s do të marrin pjesë edhe 1 gjyqtar nga Sllovenia, 2 nga Franca, 1 nga Kroacia, 1 nga Maqedonia dhe 1 nga Turqia.

Gjyqtarët në fjalë do të ndajnë drejtësinë në Final 8 të Kupës së Kosovës, ndërsa do të jenë të vendosur në Gjakovë, ku edhe do ta kryejnë pjesën teorike të këtyre aktiviteteve, ndërsa në FIBA SCOD Kampin për gjyqtarët e rinj do të marrin pjesë vetëm gjyqtarët nga Kosova.

Të gjitha këto aktivitete do të jenë nën mbikëqyrje të FIBA Evropës. Kjo e fundit do të ketë përfaqësuesit e saj të pranishëm në kuadër të Final 8, në krye me drejtorin e Departamentit të Gjyqtarëve në FIBA Evropë, Davorin Nakic.

Duhet theksuar se Federata e Basketbollit të Kosovës për disa vite radhazi është organizatore e këtyre aktiviteteve të gjyqtarëve falë punës së palodhshme të Komesarit të Garave të FBK-së dhe bashkëpunimit të tij të ngushtë dhe vetë FBK-së me Departamentin e Gjyqtarëve në FIBA Evropë dhe FIBA Evropën.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...