Do të luhen dy ndeshje finale, në të dyja konkurrencat, në atë të femrave dhe të meshkujve.
Në konkurrencën e femrave, KB Prishtina do të ndeshet me KB Penzën, ndeshje e cila fillon nga ora 14:30 dhe ku shihet Prishtina si favorit për të fituar Kupën.
Edhe në konkurrencën e meshkujve Prishtina do të luajë kundër nikoqirit KB Rahovecit. Edhe këtu Prishtina shihet si favorite, mirëpo nikoqirët do të mobilizohen në mënyrë që ta mposhtin Prishtinën.
Kujtojmë që vitin e kaluar, Prishtina ka arritur ta fitojë kupën e Kosovës në dy konkurrencat.
