Skuadra e Golden Eagle Yllit të shtunën mbrëma ka triumfuar ndaj Ponte Prizrenit në ndeshjen për vend të tretë në kuadër të Final 8 të Kupës së Kosovës që është duke u zhvilluar në Rahovec.
Ndeshja ka përfunduar me shifrat 91:67.
Medaljet e bronzta ekipit nga Suhareka ia ndanë Elvira Dushku, Sekretare e Përgjithshme e Federatës së Basketbollit të Kosovës dhe Bekim Hoxha, kryetar i KB Rahovecit.
Duhet theksuar se në gjysmëfinale, Golden Eagle Ylli u pati mposhtur nga Z Mobile Prishtina dhe Ponte Prizreni nga Rahoveci.
Finalja e madhe e Kupës së Kosovës do të luhet të dielën me fillim nga ora 17:00 në Rahovec, ndërmjet nikoqirit, Rahovecit dhe Z Mobile Prishtinës.