Milwaukee finalisti i parë - Bota Sot
Milwaukee finalisti i parë

Basketboll

Milwaukee finalisti i parë

Më: 9 maj 2019 Në ora: 10:34
Milwaukee finalisti i parë

Skuadra e Milwaukee është finalistja e parë e play off-it në Konferencën e Lindjes në NBA. Bucks fituan me lehtësi 116:91 ndaj Boston në gjysmëfinalen e pestë, duke fituar 4:1 serinë e takimeve.

Një ndeshje që ishte një formalitet për Milwaukee, që para tifozëve të saj nuk zhgënjeu. Vendasit u shkëputën gradualisht nga perioda në periodë, duke mos e vënë në asnjë moment në diskutim fitoren.

7 lojtarë të Milwaukee realizuan mbi 10 pikë, me të zakonshmin Giannis Antetokounmpo që realizoi 20 pikë, mbështetur nga Middleton me 19 dhe Bledsoe me 18 pikë. Boston ishte në një ditë të keqe, duke gabuar shumë në gjuajtje.

Në Perëndim, skuadra kampione e Golden State fitoi 104-99 ndaj Houston në ndeshjen e pestë gjysmëfinale, duke udhëhequr 3-2 serinë. Faktori fushë vendimtar edhe këtë herë, me Warriors që triumfuan në shtëpi.

Edhe pse Golden State u shkëput 20 pikë në periodën e dytë, sfida u bë shumë interesante në periodën e katërt. Rockets rikuperojnë menjëherë, madje dalin edhe në avantazh. Gjithsesi, minutat e fundit i japin fitoren skuadrës së Warriors, më e kujdesshme në fushë.

Ai që bëri diferencën në këtë sfidë ishte Klay Thompson, që realizoi 27 pikë, mbështetur nga Curry me 25 dhe Durant me 21 pikë. Në kahun tjetër u dallua Harden, që realizoi 31 pikë, por që s’mjaftuan për të evituar humbjen.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...