Dy yjet e NBA, Kevin Durant dhe Kawhi Leonard duket se janë gati që të bashkohen në një skuadër.
Lojtari që fitoi titullin e kampionit me Toronto Raptors këtë edicion, duket se nuk do të vazhdojë rrugëtimin me skuadrën e njëjtë.
Emri i tij është lakuar shumë krahë skuadrës së Los Angeles Lakers, ku mendohet se mund të krijojë një treshe të madhe me LeBron James e Anthony Davis.
Por, së fundmi, disa zëra kanë futur në ekuacion edhe Kevin Durant, duke lënë jashtë loje skuadrën e Lakers.
Adrian Wojnarowski nga ‘ESPN’ raporton se Durant dhe Kawhi kanë diskutuar situatën e tyre si agjentë të lirë, për tu bashkuar në një skuadër ku mund të luajnë së bashku.
Dy mundësi për të bërë këtë gjë, janë skuadrat e Los Angeles Clippers dhe ajo e New York Knicks.
Kujtojmë se Durant nuk do të paraqitet sezonin e ardhshëm, si pasojë e lëndimit të pësuar në finalet e këtij edicioni.