Kosova nuk ia del as me Estoninë - Bota Sot
Kosova nuk ia del as me Estoninë

Basketboll

Kosova nuk ia del as me Estoninë

Më: 7 korrik 2019 Në ora: 12:33
Kosova nuk ia del as me Estoninë

Kosova U-18 (F) ka pësuar nga Estonia me rezultat 100:35 (18:13, 43:4, 16:7, 23:11), në Kampionatin Evropian, Divizioni B, që po zhvillohet në Maqedoninë Veriore.  

Për dallim nga ndeshja e parë ndaj Sllovenisë, ku kishin shumë emocione, vashat e Kosovës e nisën ndeshjen mirë ndaj Estonisë, duke qenë të barabarta në çerekun e parë dhe duke luftuar për çdo top. Sidoqoftë, ky çerek përfundoi 18:13 për Estoninë.

Në periudhën e dytë, Estonia shfrytëzoi përvojën dhe gjatësinë, derisa shkoi në pushim me rezultat 61:17. Edhe në periodën e tretë, Kosova ishte e barabartë në fushë për shtatë minuta, por nëfund Estonia sërish u shkëput, ku rezultati në semafor pas 30 minutash tregonte shifrat 77:24. Edhe në periodën e fundit nuk mungoi angazhimi nga vashat e Kosovës, por që nuk mjaftoi për të ngushtuar epërsinë.

Në fund Estonia fitoi me rezultat 100:35. Dea Pushkolli ishte më e dalluara te Kosova me dhjetë pikë e tetë kërcime, derisa u ndihmua nga Tringa Ukaj me shtatë pikë e pesë kërcime. Arba Hashani shënoi gjashtë pikë, kurse Enisa Kamerollidhe Melisa Ibrahimi nga katër. AnnaGret Asi ishte më e mira te Estonia me 16 pikë. 

Në Grupin A, Sllovenia dhe Finlanda kanë nga katër pikë, Estonia dhe Danimarka nga tri, si dhe Norvegjia e Kosova nga dy, pas dy xhirove të zhvilluara. Kosova në ndeshjen e ardhshme do të ballafaqohet me Danimarkën, të dielën nga ora 16:30. 

Synimi i vashave kosovare është të marrin përvojë nga ky kampionat, derisa janë më të reja në moshë se kundërshtaret e tyre dhe më pak përvojë në garat ndërkombëtare.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...