Britania e Madhe i shuan ëndrrat e Kosovës për EuroBasket - Bota Sot
Britania e Madhe i shuan ëndrrat e Kosovës për EuroBasket

Basketboll

Britania e Madhe i shuan ëndrrat e Kosovës për EuroBasket

Më: 17 gusht 2019 Në ora: 22:02
Pamje nga ndeshja

Shpresat e Kombëtares së Kosovës për të marrë pjesë në EuroBasket 2021 kanë marrë fund, pas disfatës me rezultat 101-79 kundër Britanisë së Madhe në Mançester, në ndeshjen e fundit të parakualifikimeve për këtë garë.

Pas fitores kundër Luksemburgut, basketbollistët e Kosovës ishin të motivuar për të shënuar fitore ndaj Britanisë së Madhe dhe për të shpresuar se do të kualifikohen në rrethin e ardhshëm, në kualifikimet për EuroBasket.

Megjithatë, motivimi i “Dardanëve” nuk mjaftoi pasi që Britania e Madhe ishin në epërsi  për rreth 15 pikë pothuajse gjatë gjithë kohës.

Koshashënuesi më i mirë i Kosovës ishte Drilon Hajrizi me 22 pikë të shënuara. Ai u tregua i saktë në nëntë prej 17 tentimeve për të shënuar. Dardan Berisha ishte asistuesi më i mirë, me 11 asiste, mirëpo ai nuk ishte efikas në gjuajtje, me 23 për qind saktësi në “field goal”.

Në këtë ndeshje, Kosovës i duhej fitorja me epërsi prej më shumë se tetë pikësh dhe pastaj duhej të shpresonte se Britania e Madhe do të pësonte disfatë kundër Luksemburgut të mërkurën. Tani, ndeshja e së mërkurës nuk ka rëndësi pasi që Kosova e ka ta pamundur kualifikimin.

Britania e Madhe kishte fituar në Mitrovicë 63:71. Tani Britania e Madhe do të jetë në grup me Gjermaninë, Francën dhe Malin e Zi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...